Skip to main content

हे_क्षण_ही_निघून_जातील

     *#हे_क्षण_ही_निघून_जातील  !*

        एका राजाला जीवनाविषयी अपार कुतूहल होते. त्याच्या दरबारात येणाऱ्या प्रत्येक साधू , संत, फकिराला तो विचारत असे की मला एक असा छोटा मंत्र द्या की तो अगदी कुठल्याही क्षणाला मला उपयोगी पडेल व मला कायम आनंदी ठेवेल. 

        अखेर एका बौद्ध भिक्षुने त्याला एक अंगठी दिली व सांगितले की यातील डबीत एका कागदावर मंत्र लिहिलेला आहे, पण जेव्हा जीवन-मरण असा प्रश्न तुझ्यापुढे उभा राहील तेव्हाच डबी उघड, तेव्हाच मंत्र कामाला येईल.

        बरीच वर्षे शांत गेल्यावर राजाचे दिवस फिरले. राज्यात बंडाळी झाली व त्याच्याच दुष्ट व  कपटी प्रधानाने त्याला तुरुंगात टाकले. पहाटेला फाशी द्यायचे ठरले.

        विश्वासू सेवकाने राजाला रात्री सोडवून, एक घोडा बरोबर दिला. मजल दरमजल करीत राजा सीमेपासून दूर पळाला.

    हे समजल्यावर प्रधानाने सैनिकांची तुकडी राजाच्या मागावर पाठवली. राजा एका डोंगराच्या शिखरापर्यंत पोहोचला. पुढे दरी होती. घोड्याला चरायला सोडून, मोठ्या खडकाआड लपला. त्याला वाटले आता थोड्या वेळात सैनिक गाठणार व आपण मरणार.  त्या क्षणी त्याला त्या अंगठीची आठवण आली अन् ती त्याने उघडली. त्यात एकच वाक्य लिहिले होते,

          *"This too shall pass"*

                     म्हणजे 

           हाही क्षण निघून जाईल"

         केवळ ते वाक्य वाचून राजाचे मन शांत झाले. आश्चर्य घडले, सैनिक तेथपर्यंत पोहचले. त्यांना वाटले फक्त घोडा दिसतोय म्हणजे राजा दरीत पडून मेला असे समजून ते परतले.

         राजाने शेजारच्या राज्याची मदत घेऊन काही दिवसांत आपले राज्य परत मिळवले. विश्वासघातकी प्रधानाचा शिरच्छेद केला.  

           विजयाचा जंगी समारंभ चालू असताना नवीन प्रधानाने पाहिले की, महाराज कुठेही अति-उत्साहित न होता शांत मुद्रेने सिंहासनावर विराजमान आहेत. त्याने अदबीने विचारले,

           'महाराज, आपल्या आयुष्यात एवढ्या भयानक घडामोडी घडल्या व त्यातून आपण सहीसलामत बाहेर पडला, तेव्हा आपण आज आनंदाने ओसंडून जायला हवे'.

            राजा म्हणाला,  नाही, आता मला *बुद्धाचा अनित्यता वादाचा* अर्थ व सामर्थ्य कळले आहे. *"जगात कुठलीही गोष्ट कायमची टिकून राहत नाही. परिवर्तन जगाचा शाश्वत नियम आहे".* या जगात सुख ही राहात नाही, दुःख ही राहात नाही. हे मला आता समजलेले आहे. म्हणून *"दुःखात खचू नये अन्  सुखात नाचू नये."*

           This too shall pass !

             हे क्षणही निघून जातील.

       ही बोधकथा आपल्याला जगायला शिकवेल. नुसतेच जगायला नव्हे तर प्रत्येक प्रसंगात मनाची शांती अबाधित ठेवण्याची, मन स्थिर ठेवण्याची गुरुकिल्ली आहे.

       स‌द्य परिस्थितीत घाबरुन जाऊ नका, हे तात्पुरते संकट आहे.  *This too shall pass !*

            *हे क्षणही निघून जातील.*

Comments

Post a Comment

if you have any doubts plesase let me know

Advertisement

Popular posts from this blog

Bhim Smaran, Bhim Stuti / भीम स्मरण , भीम स्तुति

भीम स्मरण सकलं विज्जं विदुरञानं देवरूपं सुजिव्हं निमल चक्खु गभिर घोसं गौरवण्णं सुकायं ।। अभय चित्तं निभय कामं सुरत धम्मं सुपेम | विरत रज्जं सुजननेतं भीमरावं सरामि | भीमरावं सरामि , भीमरावं सरामि ।। मराठी सर्वोत्तम विद्यासंपन्न , तीक्ष्ण बुद्धीसंपन्न , दिव्यरुप संपन्न , प्रभावशाली ध्वनी संपन्न , गौरवर्ण शरीर संपन्न , करुणा मैत्री संपन्न व निर्भयतेने धम्म कार्याला परिपूर्ण वाहून घेतलेले , जनसेवेसाठी मंत्रीपदाचा त्याग केलेले , जनतेचे श्रेष्ठ नेते , अशा सर्वगुण संपन्न परम पुज्य भीमरावांचे मी स्मरण करतो.   भीम स्तुती दिव्य प्रभरत्न तूं , साधू वरदान तूं , आद्य कूल भूषं तू भीमराजा ।।१।। सकल विद्यापति , ज्ञान सत्संगति , शास्त्र शासनमति , बुद्धि तेजा || २ || पंकजा नरवरा , रत्त स्वजन उद्धारा , भगवंत आमुचा खरा , भक्तकाजा || ३ || चवदार संगरी , शास्त्र धरिता करी , कांपला अरि उरी , रौद्र रुपा ।।४।। मुक्ती पथ कोणता , जीर्ण स्मृती जाळीता , उजाळीला अगतिका , मार्ग साजा ।।५।। राष्ट्र घटना कृति , शोभते भारती , महामानव बोलती , सार्थ संज्ञा ।।६।। शरण बुद्धास । शरण धम्मास । शरण संघास मी भीमराजा ।।७।।...
Post a Comment
Read more

Punyanumodan/ पुण्यानुमोदन

पुण्यानुमोदन दुक्खपत्ताच निदुक्खा भयपत्ताच निब्भया । सोकपत्ताच निसोक्का होन्तु सब्बेपि पाणि नो ।।१।। एतावताच अम्हे हि सम्भतं पुञञ सम्पदं । सब्बे देवानु मोदन्तु सब्ब सम्पति सिद्धिया ।।२।। दानं ददन्तु सद्धाय सीलं रक्खन्तु सब्बदा   | भावना भिरता होन्तु गच्छन्तु देवतांगता   || ३ || सब्बे बुद्धा बल पत्ता पच्चे कानञ्च यं बलं । अरहन्तानञ्च तेजेन रक्खं बन्धामि सब्बेसो   || ४ || आकासठ्ठा च भुम्मट्ठा देवा नागा महिंद्धिका   | पुत्र्त्रंतं अनुमोदित्वा चिरं रक्खन्तु सासनं ।।५।। आकासठ्ठा च भुम्मठ्ठा   देवा नागा महिंद्धिका । पुत्र्त्रंतं अनुमोदित्वा चिरं रक्खन्तु देसनं ।।६।। आकासठ्ठा च भुम्मट्ठा देवा नागा महिंद्धिका   | पुत्र्त्रंतं अनुमोदित्वा चिरं रक्खन्तु त्वं परन्ति ।।७।।  
Post a Comment
Read more

Bouddha Sanskar Vidhi Kram / बौद्ध संस्कार विधींचे क्रम

  बौद्ध संस्कार विधींचे क्रम १) धम्मदीक्षा : १) २२ प्रतिज्ञा २) त्रिसरण ३)  पंचशील  ४) आशिर्वाद ५) सरणतय २) नामकरण : १) त्रिसरण २) पंचशील ३) बुद्ध पुजा ४) भीम स्मरण ५) भीम स्तुती ६) बुद्ध वंदना ७) धम्म वंदना ८) संघ वंदना ९) परित्राण पाठ १०) करणीयसुत्त ११) सब्बसुख गाथा १२) धम्मपालन गाथा १३) आशिर्वाद १४) सरणतय ३) वाढदिवस : १) त्रिसरण २) पंचशील ३) बुद्ध पुजा ४)भीम स्मरण ५) भीम स्तुती ६) बुद्ध वंदना ७) धम्म वंदना ८) संघ वंदना ९) परित्राण पाठ १०) संकल्प ११)आशिर्वाद १२) सरणतय ४) विद्यारंभ : १) त्रिसरण २) पंचशील ३) बुद्ध पुजा ४) भीम स्मरण ५) भीम स्तुती ६) बुद्ध वंदना ७) धम्म वंदना ८) संघ वंदना ९) परित्राण पाठ१०) महामङगल सुत्त ११) सब्बसुख गाथा १२) धम्मपालन गाथा १३) आशिर्वाद १४) सरणतय ५) साक्षगंध : १) त्रिसरण २) पंचशील ३) बुद्ध पुजा ४) भीम स्मरण ५) भीम स्तुती ६) परित्राण पाठ ७) महामङगल गाथा ८) सब्बसुख गाथा ९) धम्मपालन गाथा १०) आशिर्वाद ११) सरणतय. ६) विवाह : १) त्रिसरण २) पंचशील ३) बुद्ध पुजा ४) भीम स्मरण ५) भीम स्तुती ६) प...
Post a Comment
Read more